Iste'molchilarga fiskal cheklar bo‘yicha 906 mlrd so‘mdan ortiq keshek qaytarildi. Bu haqda Soliq qo‘mitasi Matbuot xizmati xabar bermoqda.
Ma'lum qilinishicha, 8 oy ichida o‘zbekistonliklar soliq kesheki orqali salqam 906 mlrd so‘m ishlab olishdi. Keshek to‘langan miqdor bo‘yicha yetakchi shahar sifatida Toshkent qolmoqda: poytaxt aholisi joriy yil boshidan buyon deyarli 374 milliard so‘m qaytarib olgan.
Avgustda (26 sentyabr holatiga) iste'molchilarga 121,8 mln chek uchun 99,8 mlrd so‘mdan ortiq keshek to‘langan.
To‘langan kesheklarning eng katta qismi Toshkent shahri - 41,8 mlrd so‘m, Toshkent viloyati - 8,2 mlrd so‘m, Farg‘ona viloyati - 7,1 mlrd so‘m, Samarqand viloyati - 6,9 mlrd so‘m, Namangan viloyati - 5,2 mlrd so‘m.
