Samarqand viloyati shahar va qishloqlarida Yangi yil bayramini ko`tarinki ruhda nishonlashga qizg`in hozirlik ko`rilmoqda, deb yozadi O`zA.
Bayram tadbirlarini yuqori saviyada tashkil etish va tinch-osoyishta o`tkazish maqsadida viloyat, tuman va shahar hokimliklari hamda mas`ul idoralar tomonidan maxsus ishchi guruhlar faoliyati yo`lga qo`yildi. Mazkur guruhlar bayram tomoshalari, savdo yarmarkalari o`tkaziladigan maskanlarda jamoat tartibi, yong`in va yo`l harakati xavfsizligini ta`minlash, pirotexnika vositalari sotilishining oldini olish yuzasidan zarur choralar ko`rmoqda. Bu ishga huquq-tartibot idoralari bilan birga jamoatchilik vakillari ham jalb qilingan.
Viloyatning barcha tuman va shaharlaridagi markaziy xiyobonlar, maydonlarda bayram archalari o`rnatilib, sovg`alar, oziq-ovqat va nooziq-ovqat mahsulotlari yarmarkalari ish boshladi. Teatrlashtirilgan madaniy dasturlar namoyish etilmoqda.
Samarqand shahridagi markaziy ko`chalar, korxona va tashkilotlar binolari bayramga mos bezatildi. Tungi illyuminasiyalar, turli chiroqlar o`rnatildi. An`anaga ko`ra, bu yil ham “Eng chiroyli bezatilgan archa”, “Eng chiroyli bino” va “Eng namunali ko`cha” nominasiyalari bo`yicha tanlov e`lon qilindi. Bayram kunlari esa Sharq shirinliklari va milliy taomlar festivali o`tkazish ko`zda tutilgan.
Har yili an`anaviy o`tkaziladigan “Prezident archasi” tadbirlarini ham viloyatning barcha tuman va shaharlarida yuksak saviyada tashkil etish, bayramning unutilmas taassurotlarga boy bo`lishi uchun qiziqarli, rang-barang madaniy dasturlar tayyorlanmoqda.
Dehqon bozorlarida bayram oldidan arzonlashtirilgan qishloq xo`jalik mahsulotlari savdo yarmarkalari tashkil etilgan. Mazkur savdo yarmarkalari orqali fermer xo`jaliklari, agrofirmalar va parrandachilik korxonalari tomonidan meva-sabzavot, go`sht, baliq, tuxum va boshqa mahsulotlar bozordagidan arzon narxlarda aholiga etkazib berilmoqda.
Siyob dehqon bozorida tashkil etilgan shunday yarmarkada Pastdarg`om, Kattaqo`rg`on va Tayloq tumanlari fermer xo`jaliklari o`zlarining sara qishloq xo`jalik mahsulotlarini savdoga chiqarmoqda.
10.12.2021, 10:32
Har yili uzoq kutiladigan Yangi yil ayyomiga sanoqli kunlar qoldi. Toshkentda esa bayram tantanalarini nishonlash uchun tayyorgarlik ishlari allaqachon boshlab yuborilgan. Eng baland sanalgan yurtimizning...27.12.2019, 17:33
Insonlar Yangi yil bayramini odatda qorli sovuq ob-havo bilan kutib olishni xohlaydilar.Biroq boshqa janubiy o`lkalar kabi O`zbekiston aholisi ham har doim Yangi yilni qor bilan...17.12.2019, 22:10
Qashqadaryodagi tashkilot, korxona va muassasalar binolarini yangi yil arafasida bayramona bezalganlik darajasini aniqlash maqsadida viloyat hokimligi tomonidan “Eng yaxshi yangi yil manzarasi” tanloviga start berildi,...26.11.2019, 17:14
Istiqlol ko`chasidagi Alisher Navoiy nomidagi kutubxonada yonida odatdagidan ko`ra erta Toshkentning asosiy yangi yil archasi o`rnatila boshlandi.Darakchi.uz tahririyatiga yuborilgan suratlardan ko`rinib turibdiki, Archaning karkasi o`rnatib...