Markaziy bank talablari va o‘tkazilgan inspektsiya tekshiruvlari davomida jinoyiy faoliyatdan olingan daromadlarni legalashtirish, terrorizm va omaviy qirg‘in qurolini tarqatishni moliyalashtirishga qarshi kurashish qoidalariga rioya qilinishida aniqlandigan qoidabuzarliklar uchun 3 ta bank, 5 ta mikromoliya tashkiloti va 2 ta to‘lov tashkilotiga nisbatan jarima sanksiyasi qo‘llandi. Bu haqda Markaziy bank xabar berdi.
Qayd etilishicha, prudensial normativ talablariga rioya etilmaganligi, o‘z faoliyatini belgilangan tartibda qonunchilik hujjatlar talablariga muvofiqlashtirmaganligi hamda inspektsiya tekshiruvlari davomida aniqlandigan kamchiliklar uchun 1 ta bank va 1 ta to‘lov tashkiloti chora va sanksiyalar qo‘llanishi mumkinligi to‘g‘risida ogohlantirilgan.
Shuningdek, aniqlandigan qoidabuzarliklar tufayli 13 noyabrdan boshlab "TEZPAY" va "NATIONAL PAY" aksiyadorlik jamiyatlarida olti oy muddatga to‘lov xizmatlari va ayrim turdagi operatsiyalarni amalga oshirish, jumladan, elektron shakldagi to‘lovlarga ishlov berish va to‘lovni amalga oshirish uchun zarur axborotni bankka uzatish yoki mazkur to‘lovlar bo‘yicha pul mablag‘larini qabul qilish cheklab qo‘yilgan.
Mazkur aksiyadorlik jamiyatlari yarim yil davomida pul o‘tkazmalari tizimi orqali pul mablag‘larini qabul qilish va amalga oshirish imkoniyatlaridan foydalana olmaydi.
