Jinoiy ishlar bo‘yicha Andijon viloyati Jalaquduq tuman sudi 25 yoshli I.X.ni yollanmanlikda aybli deb topdi. Hujjatlarga ko‘ra, u 2022 yil dekabr oyida Rossiyaga ketib, “Yandeks” xizmati orqali buyurtmalarni yetkazib berish bilan shug‘ullangan. 2023 yil yanvar oyida giyohvand moddalarning noqonuniy aylanmasi uchun 8 yilga qamalgan.
2024 yil avgustda jazoni o‘tayotgan I.X. Rossiya Qurolli Kuchlari bilan shartnoma tuzib, Ukraina hududidagi jangovar harakatlar zonasiga yuborilgan va Donetskda og‘ir yaralangan. 2025 yil sentyabrda O‘zbekistonga qaytib kelganidan so‘ng qo‘lga olingan.
Sud I.X.ni JKning 154-moddasi 1-qismi (yollanish) bo‘yicha aybli deb topib, 5 yillik ozodlikdan mahrum qilish jazosini tayinladi. Biroq yoshligi, avval sudlanmaganligi, aybiga iqrorligi va salomatlik holati inobatga olingan holda, jazo 2 yil sinov muddati bilan shartli qilib belgilandi.
