Ma’lum qilinishicha, Yangi Toshkent shahri qurilishiga 2023 yilda tamal toshi qo‘yilgan bo‘lib, loyiha uchun Yuqori va O‘rta Chirchiq tumanlaridan 19 ming 700 gektar yer ajratilgan. Kontseptsiya Britaniyaning “Cross Works” kompaniyasi tomonidan ishlab chiqilgan. Ayni paytda hududda 100 dan ortiq yirik va o‘rta loyihalar amalga oshirilmogda.
Hozirgacha kelib, yangi shaharda qurilish maydonlari 3 million kvadrat metrga yetgan, bir qator uy-joy massivlari va infratuzilma ob’yektlari yakuniy bosqichga kirgan. Birinchi bosqichda 600 ming aholi uchun zamonaviy sharoitlar yaratilishi, loyiha to‘liq yakunlangach esa Yangi Toshkent 2 million aholi istiqomat qiladigan megapolisga aylanishi rejalashtirilgan.
Hududda yer osti muhandislik tarmoqlari, tunnel va avtoturargohlar, shuningdek, 10 kilometrlik sohil bog‘i barpo etilmogda. Prezident shaharsozlikda “yashil” tamoyillarni kuchaytirish, jamoat transporti, piyoda va velosipedchilar uchun qulay muhit yaratish bo‘yicha topshiriqlar berdi.
Shuningdek, 60 dan ortiq davlat idoralari uchun ma’muriy binolar qurilishi, 2 milliard dollarlik investitsiyalar asosida tijorat va xizmat ko‘rsatish ob’yektlari barpo etilishi rejalashtirilgan. Qurilish jarayonining o‘zida 10 ming kishi ish bilan ta’minlangan.
