BFM xabariga ko‘ra, sudlanuvchilar ijtimoiy tarmoqlarda Brigit Makron go‘yoki erkak bo‘lib tug‘ilgani va transgen ekani haqidagi fitna nazariyasini tarqatib, uni va Prezident Emmanuel Makronni ochiq maskara qilgan.
Sud raisi Terri Donnar ayblanuvchilar jabrlanuvchiga qasddan zarar yetkazish niyatida, haqoratli va kamsituvchi iboralar orqali yolg‘on axborot tarqatganini ta’kidlagan.
Sud qaroriga binoan, sakkiz nafar shaxs 4 oydan 8 oygacha shartli qamoq jazosiga hukm qilindi. Sud majlisida qatnashmagan ayblanuvchilardan biriga esa 6 oylik qamoq jazosi tayinlandi.
Mahkumlar orasida mashhur reklama agentligi rahbari Orelien Puasson (Zoe Sagan taxallusi bilan tanilgan) ham bor. U 8 oylik shartli qamoq jazosiga hukm qilinib, raqamli makonda odamlarni hurmat qilish bo‘yicha maxsus kurs o‘tashi va ijtimoiy tarmoqlardagi akkauntini yopishi shart qilindi. Prokuratura uni va folbin Amandin Ruani Brigit Makronga qarshi dezinformatsiya kampaniyasining asosiy tashabbuskorlari sifatida baholagan.
Sud jarayonida birinchi xonimning qizi Tiphen Ozer ham chiqish qilib, yolg‘on mish-mishlar onasining sog‘lig‘i va shaxsiy hayotiga jiddiy salbiy ta’sir ko‘rsatganini aytgan.
