Eron JCh–2026da ishtirok etadi

Eron hukumati vakili Fotima Mohajeraniyning ma’lum qilishicha, jamoaning musobaqada munosib qatnashishi uchun barcha zarur shart-sharoitlar yaratilgan. Tayyorgarlik ishlari tegishli vazirlik topshiriqlari asosida olib borilgan bo‘lib, infratuzilma va tashkiliy masalalarga alohida e’tibor qaratilgan. Avvalroq FIFA prezidenti Janni Infantino ham Eron jamoasi turnirda ishtirok etishi kutilganini bildirgan edi. Uning ta’kidlashicha, futbol siyosatdan tashqari bo‘lishi lozim va jamoa o‘yinlarda qatnashish istagini bildirgan. Ma’lumotlarga ko‘ra, Eron “G” guruhidagi uchrashuvlarini AQShda o‘tkazadi: ikki o‘yin Los-Anjelesda, biri esa Sietlda bo‘lib o‘tadi. Jamoaning turnir davomidagi bazasi Arizona shtatidagi Tukson shahrida joylashadi.