Xorazm viloyatida Nexia haydovchisi o‘zi bilan bir yo‘nalishda harakatlanaotgan Lacetti avtomashinasi bilan to‘qnashib, so‘ng yo‘l chetidagi daraxtga urildi. Yo‘l-transport hodisasi oqibatida Nexia haydovchisi vafot etdi.
Ma’lum bo‘lishicha, yo‘l-transport hodisasi bugun, 6 yanvar kuni ertalab Urganch tumani Beruniy mahallasi hududida sodir bo‘lgan. 1992 yilda tug‘ilgan R.B. Nexia avtomashinasini boshqarib ketayotgan vaqtda, bir yo‘nalishda harakatlanaotgan 24 yoshli M.P. boshqaruvidagi Lacetti bilan to‘qnashgan.
To‘qnashuvdan so‘ng Nexia avtomashinasi yo‘ldan chiqib ketib, daraxtga borib urilgan. Yo‘l-transport hodisasi oqibatida Nexia haydovchisi R.B. voqea joyida halok bo‘lgan.
Avtomashinada yo‘lovchi sifatida ketayotgan uning otasi O.B. esa tan jarohati olib, shifoxonaga yotqizilgan.
Dastlabki ma’lumotlarga ko‘ra, yo‘l-transport hodisasiga Nexia haydovchisining tezlikni me’yordan oshirib harakatlanishi sabab bo‘lgan.
