Belgrad shahrida sobiq styuardessa Vesna Vulovich vafot etdi, deb xabar berdi “Lenta.ru” nashri.
Vesna Vulovich 1972 yilning yanvar oyida Germaniyaning Xermsdorf shahrida ro`y bergan aviahalokatda tirik qolgan styuardessa 67 yoshda vafot etdi.
Ayolning qo`ng`irog`iga javob bermaganidan xavotirlangan do`stlari polisiyadan uning uyini tekshirishni iltimos qildi. Polisiyachilar sobiq styuardessaning jasadini 23 dekabr kuni vannadan topishdi. Aniqlanishicha, u bundan bir necha kun ilgari vafot etgan. Hozircha ayolning o`limi sababi aniqlanmagan.
Vesna Vulovich bundan 44 yil ilgari ro`y bergan aviahalokatda samolyot bortidagi 28 odamdan tirik qolgan yagona insondir. Samolyotga bomba qo`yilgani tufayli u havoda portlab ketgan. Vesna Vulovich parashyutsiz 10160 metr balandlikdan qulab, tirik qoldi va dunyo rekordini o`rnatdi. Aviahalokat oqibatida ayolning bir qancha joylari sinib, og`ir tan jarohati olgan. Uning tuzalishi uchun 16 oy vaqt ketib, tanasining pastki qismi falajlanib qolgan.
1985 yilda, aviahalokatdan keyin 13 yil o`tgach, Vesna Vulovichning nomi Ginnesning rekordlar kitobiga kiritilgan.
