Ma’lum bo‘lishicha, 2025 yil 25 avgust kuni "Paeonnis" xususiy klinikasida bolaning burnida aniqlangan adenoidni jarrohlik yo‘li bilan olish vaqtida u vafot etgan. Ish bo‘yicha 12 mart kuni Jinoyat ishlari bo‘yicha Toshkent shahar Mirzo Ulug‘bek tuman sudida hukm o‘qildi.
Sud qaroriga ko‘ra, klinikada ishlagan anesteziolog-reanimatolog va LOR shifokor Jinoyat kodeksining 116-moddasi 3-qismi (kasb vazifalarini lozim darajada bajarmaslik) bilan aybdor deb topildi. Ularga 4 yil ozodlikdan mahrum qilish hamda 3 yil davomida jarrohlik amaliyotlarida ishtirok etish huquqidan mahrum qilish jazosi tayinlandi.
Hukmga muvofiq, jazo manzil koloniyasida o‘talanadi. Sudlanuvchilarga nisbatan qo‘llangan uy qamog‘i bekor qilinib, ular sud zalidan qamoqqa olingan.
