Adliya vazirligi tomonidan ro‘yxatdan o‘tkazilgan qoidalarga ko‘ra, balkon va lodjiyalarda yong‘in xavfini keltirib chiqaruvchi uskunalarni o‘rnatish, og‘ir buyumlarni saqlash hamda tashqi qismiga kiyim-kechak va gilam osish taqiqlanadi.
Shuningdek, uy hayvonlarini balkon, zinapoya, yerto‘la va boshqa umumiy hududlarda saqlashga yo‘l qo‘yilmaydi.
Bundan tashqari, kirish yo‘laklari va zinapoyalarda yonuvchi materiallarni qoldirish, shuningdek, uy hududida transport vositalarini noqonuniy joylarda to‘xtatish ham cheklandi.
Mazkur tartiblar aholi xavfsizligi va qulay yashash muhitini ta’minlashga qaratilgan.
