Маълум бўлишича, 2025 йил 25 август куни "Paeonnis" хусусий клиникасида боланинг бурнида аниқланган аденоидни жарроҳлик йўли билан олиш вақтида у вафот этган. Иш бўйича 12 март куни Жиноят ишлари бўйича Тошкент шаҳар Мирзо Улуғбек туман судида ҳукм ўқилди.
Суд қарорига кўра, клиникада ишлаган анестезиолог-реаниматолог ва ЛОР шифокор Жиноят кодексининг 116-моддаси 3-қисми (касб вазифаларини лозим даражада бажармаслик) билан айбдор деб топилди. Уларга 4 йил озодликдан маҳрум қилиш ҳамда 3 йил давомида жарроҳлик амалиётларида иштирок этиш ҳуқуқидан маҳрум қилиш жазоси тайинланди.
Ҳукмга мувофиқ, жазо манзил колониясида ўталади. Судланувчиларга нисбатан қўлланган уй қамоғи бекор қилиниб, улар суд залидан қамоққа олинган.
