Ushbu xizmat tadbirkorlarga lisenziyalash va ruxsat berishga oid hujjatlarni rasmiylashtirish jarayonlarini elektron tarzda amalga oshirish imkonini beradi.
Toshkent shahrida mazkur xizmatning ishga tushirilishi munosabati bilan ommaviy axborot vositalari xodimlari uchun matbuot anjumani tashkil etildi. O`zbekiston Respublikasi Axborot texnologiyalari va kommunikasiyalarini rivojlantirish vazirligi, «Elektron hukumat» tizimini rivojlantirish hamda Taraqqiyot strategiyasi markazlari tomonidan tashkil etilgan tadbirda vazirlik va idoralarning lisenziyalash bo`limi boshliqlari, tadbirkorlik sub`ektlari, jurnalistlar ishtirok etdi.
«Lisenziya» axborot tizimlari majmuasi 2017-2021 yillarda O`zbekiston Respublikasini rivojlantirishning beshta ustuvor yo`nalishi bo`yicha Harakatlar strategiyasida belgilab berilgan vazifalar asosida ishlab chiqilgan.
Loyiha doirasida Elektron lisenziyalash portali yaratildi. U licence.gov.uz internet manzilida faoliyat ko`rsatmoqda. Hozirgi kunda portal orqali 40 faoliyat turi bo`yicha lisenziya va ruxsatnomalar olish uchun elektron ariza topshirish mumkin. Foydalanuvchilarga arizani ko`rib chiqish holatlarini kuzatib borish, lisenziyalash va ruxsatnomalar berish jarayonlarini avtomatlashtirilgan holda amalga oshirish imkoniyatlari taqdim etilgan.
2016 yilning dekabr oyidan beri sinov rejimida ishlayotgan yangi resursga 46 davlat organi hamda ularning tarkibiy bo`linmalari, mahalliy davlat hokimiyati organlari ulangan. Bugungi kunga qadar 600 ga yaqin ariza qayta ishlangan, 41 mingdan ziyod lisenziya va ruxsatnomalar reestri kiritilgan.
Ayni paytda tadbirkorlarga transport, arxitektura va qurilish, birja, ko`chmas mulk, savdo, tibbiyot, dorixona, ta`lim, madaniyat, sport, turizm va reklama kabi yo`nalishlarda lisenziyalar elektron shaklda taqdim etilmoqda.
Joriy yilning oxirigacha barcha ruxsatnomalar bosqichma-bosqich portalda joriy etiladi. 2018 yilning 1 yanvaridan ruxsatnomalar berish jarayonlari avtomatlashtirilib, lisenziya olish uchun zarur ruxsat beruvchi hujjatlar elektron tizim orqali olinadi.
17.10.2020, 15:59
Freedom House internet erkinligiga oid an`anaviy yillik hisobotini e`lon qildi. Unda O`zbekiston 100 balldan 27 ball to`plab, 65 davlat ichidan 57-o`rinda qayd etilgan.Tadqiqotchilar internetdagi erkinlikka...
25.09.2017, 15:49
Samarqand shahridagi 12-son oilaviy poliklinikada aholini onlayn tarzda elektron ro`yxatga olish tizimi ishga tushirildi. «Elektron poliklinika» dasturi bemorlarni yagona elektron ro`yxatga olish va internet tarmog`i...
18.04.2017, 14:55
Ijtimoiy tarmoqlarda tataristonlik ikki nafar kampirning kvadrosikl haydagani aks etgan video ijtimoiy tarmoqlarda mashhur bo`ldi, deb xabar berdi Tvzvezda.ru nashri.Mazkur rolik Tataristonning Leninogorsk tumanidagi Shugurovo...
17.04.2017, 12:28
Ogayo shtatining Klivlend shahri polisiyasi o`z qurbonini Facebook tarmog`ining to`g`ridan-to`g`ri efirida o`ldirgan erkakni qidirmoqda.Reuters agentligi ma`lumotlariga ko`ra, translyasiya vaqtida gumonlanuvchi avval ham ko`p insonni o`ldirganini...
