1

​Yilning eng yaxshi tadbirkori, fermeri va hunarmandiga Spark avtomobillari topshirildi

Jamiyat 23.05.2017, 09:59
Teglar: Avto, Sovg`a, Ko`rik-tanlov, Prezident
​Yilning eng yaxshi tadbirkori, fermeri va hunarmandiga Spark avtomobillari topshirildi

Poytaxtimizda “Tashabbus – 2017” ko`rik-tanlovi g`oliblarini taqdirlash marosimi bo`lib o`tdi

Poytaxtimizda O`zbekiston Respublikasi Prezidenti sovrini uchun “Tashabbus – 2017” ko`rik-tanlovining mamlakat bosqichi bo`lib o`tdi.

Tanlovda ko`rikning Qoraqalpog`iston Respublikasi, viloyatlar va Toshkent shahar bosqichi g`oliblari ishtirok etdi, deb yozadi O`zA.

Tanlovda qatnashish istagida bo`lganlar yildan-yilga ortib borayotgani uning ahamiyati va ko`lami kengayayotganidan dalolat beradi. Joriy yilda ushbu tanlovning tuman va shahar bosqichlarida 576 tadbirkorlik sub`ekti ishtirok etdi. Hakamlarning yuqori baholariga sazovor bo`lgan 41 ishtirokchi “Tashabbus – 2017” ko`rik-tanlovining mamlakat bosqichiga yo`llanma oldi.

“Tashabbus – 2017” ko`rik-tanlovi g`oliblarining nomlari e`lon qilindi. Ular uchta asosiy – «Yilning eng yaxshi tadbirkori», «Yilning eng yaxshi fermeri» va «Yilning eng yaxshi hunarmandi» yo`nalishida taqdirlandi.

«Yilning eng yaxshi tadbirkori» nominasiyasida Toshkent viloyatidagi "Torimed Pharm" mas`uliyati cheklangan jamiyati rahbari Ahadjon Shukurov g`olib bo`ldi. Buxoro viloyatidan Ahmad Arabov «Yilning eng yaxshi hunarmandi» deb e`tirof etildi. Andijon viloyatidagi "Baxt imkon rivoj chorvasi" fermer xo`jaligi rahbari Faxriddin Ismoilov «Yilning eng yaxshi fermeri» deb e`lon qilindi.

«Yilning eng yosh tadbirkori», «Yilning eng yaxshi tadbirkor ayoli», «Eng yaxshi innovasion loyiha», «Yoshlarga eng ko`p ish joyi yaratgan tadbirkor», «Yilning eng yaxshi eksportchisi» va «Respublika ichki bozorida talab bo`lgan yangi turdagi iste`mol mahsulotlarini ishlab chiqqanlik uchun» kabi nominasiyalar g`oliblari ham e`lon qilindi.

Asosiy nominasiyalar g`oliblariga Prezidentimiz sovrini – “Spark” avtomobili, ikkinchi va uchinchi o`rin sohiblariga pul mukofotlari, maxsus nominasiyalar sovrindorlariga qimmatbaho sovg`alar topshirildi. G`oliblar xalqaro tanlovlar, yarmarkalar, seminarlarda ishtirok etishi, o`z yo`nalishlari bo`yicha chet elda malaka oshirishi mumkin.

“Tashabbus – 2017” ko`rik-tanlovi g`olib va sovrindorlarini taqdirlash marosimi san`at ustalari va yosh ijrochilarning konserti bilan yakunlandi.

Sharhlar

Prezident ko`mir qazib chiqarishni oshirish rejalari taqdimoti bilan tanishdi

13.05.2024, 17:53

Prezident Shavkat Mirziyoev 13 may kuni ko`mir qazib chiqarishni oshirish rejalari taqdimoti bilan tanishdi. Bu haqda Prezident matbuot xizmati xabar berdi. Aholi va iqtisodiyotning o`sib borayotgan...
Prezident Rossiyaga etib bordi

08.05.2024, 17:04

O`zbekiston Respublikasi Prezidenti Shavkat Mirziyoev 8 may kuni amaliy tashrif bilan Moskva shahriga tashrif buyurdi. Bu haqda Prezident matbuot xizmati xabar berdi. “Vnukovo” xalqaro aeroportida davlatimiz...
Prezident yangi tayinlangan elchilarning ishonch yorliqlarini qabul qildi

07.05.2024, 14:24

Mirziyoev Vengriya, Eron, Chexiya, O`mon va Jazoirning yangi tayinlangan elchilaridan ishonch yorliqlarini qabul qildi. Bu haqda Prezident matbuot xizmati xabar berdi. Prezidentimiz Chexiya Respublikasi O`zbekistonning Evropa...
Prezidentning Tojikistonga tashrifi ikki tomonlama munosabatlar tarixida yangi sahifa ochdi

19.04.2024, 18:05

O`zbekiston Respublikasi Prezidenti Shavkat Mirziyoevning Tojikistonga davlat tashrifi doirasidagi tadbirlar yakuniga etdi. Bu haqda Prezident matbuot xizmati xabar berdi. Kuni kecha O`zbekiston rahbari Prezident Emomali Rahmon...
Ob-havo: Toshkent
Valyuta kursi
1