Facebook asoschisi Mark Sukerberg 12 yil deganda Garvard universitetining ilmiy darajasini oldi. Bu haqda u o`zining Facebook tarmog`idagi akkauntida 25 may kuni ma`lum qildi.
«Oyijon, men sizga doim aytardimku, qaytib (Garvard universitetiga) o`zimning darajamni olaman deb», — deb yozadi u.
Universitet saytida ma`lum qilinishicha, Sukerberg huquq doktoriga aylangan.
Mark Sukerberg Garvarddagi psixologiya fakultetiga 2002 yilda kirgan. 2004 yilda u va uning do`stlari Kris Xyuz va Dastin Moskovis dunyoning eng yirik Facebook ijtimoiy tarmog`ini ishga tushirishdi. Ikkinchi kursni tugatgach Sukerberg ijtimoiy tarmoqni rivojlantirish uchun universitetni tashlab ketdi.
