Facebook асосчиси Марк Цукерберг 12 йил деганда Гарвард университетининг илмий даражасини олди. Бу ҳақда у ўзининг Facebook тармоғидаги аккаунтида 25 май куни маълум қилди.
«Ойижон, мен сизга доим айтардимку, қайтиб (Гарвард университетига) ўзимнинг даражамни оламан деб», — деб ёзади у.
Университет сайтида маълум қилинишича, Цукерберг ҳуқуқ докторига айланган.
Марк Цукерберг Гарварддаги психология факультетига 2002 йилда кирган. 2004 йилда у ва унинг дўстлари Крис Хьюз ва Дастин Московиц дунёнинг энг йирик Facebook ижтимоий тармоғини ишга туширишди. Иккинчи курсни тугатгач Цукерберг ижтимоий тармоқни ривожлантириш учун университетни ташлаб кетди.
