Markaziy bank tomonidan tarif stavkalarini oshgani haqida eshitdik. Bu omonat foizlarining oshishiga ham tegishlimi? Endilikda, bankda omonat saqlab, yillik 14 foiz daromad olish kafolatiga ega bo`lamizmi?
Markaziy bank tomonidan tarif stavkalarini oshgani haqida eshitdik. Bu omonat foizlarining oshishiga ham tegishlimi? Endilikda, bankda omonat saqlab, yillik 14 foiz daromad olish kafolatiga ega bo`lamizmi?
Jabbor Rajabov, Toshkent shahar, Yunusobod tumani
T.Ishmetov, O`zbekiston Respublikasi Markaziy banki raisining birinchi o`rinbosari:
— O`zbekiston Respublikasi Markaziy banki joriy yilning 28 iyun kunidan qayta moliyalash stavkasini yillik 9 foizdan 14 foizga ko`tardi.
Mazkur qarorning qabul qilinishi joriy yilning o`tgan davrida inflyasiya sur`atlarining tezlashishi hamda inflyasion xatarlarning ortishini cheklash bo`yicha choralarni kuchaytirish zaruriyatining yuzaga kelganligi bilan izohlanadi.
Qayta moliyalash stavkasi Markaziy bank va tijorat banklari o`rtasidagi kredit amaliyotlariga o`rnatiladigan stavka bo`lishi bilan birga iqtisodiyotdagi pul resurslarining narxini ko`rsatadi va boshqa foiz stavkalari uchun mo`ljal vazifasini bajaradi.
Ushbu stavkaning oshirilishi o`z navbatida banklararo moliyaviy resurslar bozorida resurslar narxlarining ko`tarilishi va kelgusida tijorat banklari tomonidan jalb qilinadigan depozitlar va omonatlar bo`yicha foiz stavkalariga ta`sir ko`rsatishi mumkin.
Shuni qayd etish lozimki, O`zbekiston Respublikasining "Banklar va bank faoliyati to`g`risida"gi Qonuniga muvofiq banklar bank operasiyalarini amalga oshirishga doir qarorlar qabul qilish hamda ular bo`yicha foiz stavkalari va vositachilik haqi miqdorini belgilashda mustaqildirlar.
Hozirgi kunda tijorat banklari aholiga qayta moliyalash stavkasidan yuqori bo`lgan stavkada jozibador omonat turlarini taklif etmoqdalar hamda har bir fuqaro ushbu bank xizmatlaridan foydalanishi mumkin.
