Evropa Ittifoqi Nepalda joylashgan barcha aviakompaniyalarga EIning 28 ta mamlakati ustidan parvozlarni amalga oshirishni taqiqladi.
Transport masalalari bo`yichaevrokomissar Siym Kallasning so`zlariga ko`ra, shu tarzda “xavfsiz bo`lmagan aviakompaniyalar ro`yxati” kengaytirilgan.
"Nepaldagi parvozlar xavfsizligi sohasidagi hozirgi vaziyat, u erdagi barcha aviakompaniyalarni EI parvozlar xavfsizligi bo`yicha “qora ro`yxat”ga kiritishdan boshqa chorani qoldirmayapti. Biz bunday choralar fuqaro va yuk aviasiyasi sohasidagi parvozlar
xavfsizligini sezilarli darajada oshirishga yordam berishiga umid qilamiz”, - deya ta`kidlaydi evrokomissar.
Mazkur chora 2006 yil martida Evrokomissiya tomonidan ilk bor taqdim etilgan mavjud “qora ro`yxatga” 22-qo`shimcha bo`ldi. O`shanda ro`yxatga asosan Afrika mamlakatlarining 90 ta aviatashuvchisi kiritilgan edi.