Sut-qatiq
1 dan 3 yoshgacha bo`lgan bolalar uchun sut-qatiq mahsulotlari kundalik taomnomada bo`lishi shart. Mazkur mahsulotlar bola organizmini kalsiy va foydali elementlar bilan ozuqlantiradi. Yogurt, yog`siz smetanalarni esa kunora oz-ozdan berish kerak.
- Go`sht
Bolaga 9 oyligidan boshlab bug`da tayyorlangan go`shtli taomlar beriladi. 1 yoshdan esa bu ozuqa miqdorini biroz oshirish mumkin. Qaynatilgan yoki bug`da tayyorlangan yog`siz go`sht bola salomatligi uchun foydali. Biroq qattiq qovurilgan, yog`li go`shtlar 3 yoshgacha tavsiya etilmaydi.
- Baliq
Taomnomada go`shtli mahsulotlar bo`lmagan taqdirda baliqdan tayyorlangan eguliklarni berish mumkin. Agar tanovul vaqtida ikkala go`shtdan ham bo`lsa, bola oshqozoni oqsilning katta bosimini yaxshi hazm qila olmaydi. Haftasiga 1-2 marotaba
- Sabzavot va mevalar
1,5 yoshgacha bo`lgan bola har kuni 250 gr. sabzavot va 100 gr. meva iste`mol qilishi kerak. Xohlang, sabzavotlarni ezg`ilangan bo`tqa ko`rinishida, mevalarni esa qirg`ichdan chiqarib bo`tqa qilib bering. Kundalik taomnomada meva va sabzavotlar bo`lishi bolaning immun tizimini mustahkamlaydi.
- Bo`tqalar
Nonushtaga donli mahsulotlardan bo`tqa tayyorlashga erinmang. Ayniqsa, grechixa va suli yormasidan tayyorlangan bo`tqalar juda foydali. Bo`tqalarni kunning boshida bergan ma`qul. Shunda ular yaxshi hazm bo`ladi.
- Tuxum
1 yoshli bolalarga qaynatilgan tuxumdan berish mumkin (bir kunda 1 dona). Biroq bolaning allergik toshmalarga moyilligi bo`lsa, tuxum 3-4 kunda bittagina berish etarli.
Manba: «SUG‘DIYONA» gazetasi.
