- Qorni bilan yotqizish
Bolakayni tez-tez qorni bilan yotqizib turing. Bu tadbirni emizishdan oldin qo`llagan ma`qul. Ko`pincha chaqaloqlar bunday holatni yoqtirmay, yig`lashi mumkin. Bolani yorqin o`yinchoq bilan chalg`itishga harakat qiling. Uning orqasini tepadan pastga qarab silab turing.
- Ikki tomonlama bosim
Bolani keng yostiq ustiga qorni bilan yotqizing, oyoqchalari esa yostiqdan pastga osilib tursin. Bu paytda qoringa tushadigan bosim chaqaloqni birmuncha tinchlantiradi. Faqat chaqaloq endigina emgan bo`lsa, qorni bilan yotqizmang.
- Kichkintoyni tik ko`taramiz
Emizib bo`lgach, bolani tik ko`tarib, bo`ynidan tutgan holda o`zingizga yopishtirib ushlab turing. Bola emish payti yutgan havoni kekirib chiqarib yubormaguncha shu holda ko`tarib yuring. Ba`zan chaqaloqlar havo bilan birga emgan sutlarini ham qusib yuborishadi. Agar u ozgina qussa, xavotirga o`rin yo`q. Ammo emganining yarmini qayt qilib yuborsa, mutaxassis bilan maslahatlashish kerak.
- Uqalash
Bolani osmonga qarata yotqizib qo`yib, qornini soat millari yo`nalishi bo`yicha aylanma harakatlar bilan ohista uqalang. Bu amalni nafaqat og`riq xuruj qilganda, balki ularning oldini olish uchun boshqa vaqtlarda ham qo`llash mumkin.
Manba: «SUG‘DIYONA» gazetasi.
