- Қорни билан ётқизиш
Болакайни тез-тез қорни билан ётқизиб туринг. Бу тадбирни эмизишдан олдин қўллаган маъқул. Кўпинча чақалоқлар бундай ҳолатни ёқтирмай, йиғлаши мумкин. Болани ёрқин ўйинчоқ билан чалғитишга ҳаракат қилинг. Унинг орқасини тепадан пастга қараб силаб туринг.
- Икки томонлама босим
Болани кенг ёстиқ устига қорни билан ётқизинг, оёқчалари эса ёстиқдан пастга осилиб турсин. Бу пайтда қоринга тушадиган босим чақалоқни бирмунча тинчлантиради. Фақат чақалоқ эндигина эмган бўлса, қорни билан ётқизманг.
- Кичкинтойни тик кўтарамиз
Эмизиб бўлгач, болани тик кўтариб, бўйнидан тутган ҳолда ўзингизга ёпиштириб ушлаб туринг. Бола эмиш пайти ютган ҳавони кекириб чиқариб юбормагунча шу ҳолда кўтариб юринг. Баъзан чақалоқлар ҳаво билан бирга эмган сутларини ҳам қусиб юборишади. Агар у озгина қусса, хавотирга ўрин йўқ. Аммо эмганининг ярмини қайт қилиб юборса, мутахассис билан маслаҳатлашиш керак.
- Уқалаш
Болани осмонга қарата ётқизиб қўйиб, қорнини соат миллари йўналиши бўйича айланма ҳаракатлар билан оҳиста уқаланг. Бу амални нафақат оғриқ хуруж қилганда, балки уларнинг олдини олиш учун бошқа вақтларда ҳам қўллаш мумкин.
Манба: «SUG‘DIYONA» газетаси.
