O`zbekiston Respublikasi Prezidenti Shavkat Mirziyoev joylarda amalga oshirilayotgan ijtimoiy-iqtisodiy islohotlarning borishi, xalq bilan muloqot qilish maqsadida 17 noyabr kuni Toshkent shahrining Sergeli tumaniga tashrif buyuradi. Bu xabarni Prezident matbuot xizmati xodimi ham tasdiqladi.
Davlat rahbari tashrif davomida tumandagi bunyodkorlik va obodonlashtirish ishlarini ko`zdan kechiradi. Maktabagacha ta`lim, tibbiyot, moliya muassasalari, milisiya tayanch punkti, suv havzasi faoliyati bilan tanishishi ko`zda tutilgan.
