Qirg`iziston prezidenti Almazbek Atamboev O`zbekiston rahbari Shavkat Mirziyoevni «Danaker» ordeni bilan mukofotladi. Qayd etilishicha, ushbu orden Qirg`iziston Respublikasi va O`zbekiston Respublikasi o`rtasida an`anaviy do`stlik va yaxshi qo`shnichilik munosabatlarini mustahkamlash hamda strategik sheriklikni o`rnatishga qo`shgan shaxsiy hissasi uchun berildi.
Qirg`iziston prezidenti matbuot xizmatining xabar berishicha, Almazbek Atamboev tegishli farmonni imzolagan.
«Danaker» ordeni kumushdan tayyorlanadi va diametri 42 mm. bo`lgan, bir tekisda taqsimlanuvchi qirqta nurga ega yulduz shakliga ega. Ordenning orqa tomoni esa oltin bilan qoplangan bo`lib, pastki qismida orden raqami yozib qo`yilgan.
