Sut, qatiq va zardobning shifoligini dastlab mashhur yunon shifokori Gippokrat aniqlagan.
Zardob – qatiq (ayrondan) suzma tayyorlashda ajralib chiqqan sel (sariq suv). Zardobda sut tarkibidagi ma`danli tuzlar, javharlar hamda mikroelementlar mavjud. Suzmada qatiqdagi oqsil, yog` qoladi, zardobga esa suv, sut qandi hamda vitaminlarning ko`p qismi o`tadi.
Zardob qaynatilib, so`ng sovitilib ichiladi.
Xalq tabobatida zardob ko`p xastaliklarni davolashda qo`llaniladi. Xususan jigar, buyrak, istisqo, gipertoniya, bo`g`in og`riqlari va boshqa xastaliklarda zardob tavsiya etiladi, shu bilan birga uning samarasi tezda o`zini namoyon etadi. Binobarin, bunday serxosiyat ne`matni sira ham to`kib tashlamaslik kerak.
