— Sakkiz oylik qizalog`imning qo`l-oyoq terisi quruqlashib, po`st tashlayapti. Cho`miltirsam, terisi ivib, ko`chib tushadi, o`rnida esa qizarish hosil bo`ladi. Bu holatda biror krem yoki mazlardan foydalansa bo`ladimi? Go`daklardagi teri quruqlashishining boisi nima?
Gulnoza Bekmatova, Toshkent viloyati
Magina ARTIKOVA, oliy toifali shifokor-pediatr:
— Kichkintoy terisining quruqlashishi hamda ko`chib tushishi bir qancha omillarga bog`liq. Ular orasida allergik ta`sirlar, A vitamini hamda mikroelementlar tanqisligini ko`rish mumkin. Bunday hollarda farzandingizni pediatr va dermatolog shifokorlar ko`rigiga olib borish, teri holatiga baho berish va muolajani boshlash zarur.
Agar terisi quruqlashib qolayotgan bo`lsa, kunora cho`miltirish, yog` surtish ham tavsiya etilmaydi. Shuningdek, mustaqil biror choralarga yuzlanishning ham nojo`ya ta`siri bo`lishi mumkin.
