— Саккиз ойлик қизалоғимнинг қўл-оёқ териси қуруқлашиб, пўст ташлаяпти. Чўмилтирсам, териси ивиб, кўчиб тушади, ўрнида эса қизариш ҳосил бўлади. Бу ҳолатда бирор крем ёки мазлардан фойдаланса бўладими? Гўдаклардаги тери қуруқлашишининг боиси нима?
Гулноза Бекматова, Тошкент вилояти
Магина АРТИКОВА, олий тоифали шифокор-педиатр:
— Кичкинтой терисининг қуруқлашиши ҳамда кўчиб тушиши бир қанча омилларга боғлиқ. Улар орасида аллергик таъсирлар, А витамини ҳамда микроэлементлар танқислигини кўриш мумкин. Бундай ҳолларда фарзандингизни педиатр ва дерматолог шифокорлар кўригига олиб бориш, тери ҳолатига баҳо бериш ва муолажани бошлаш зарур.
Агар териси қуруқлашиб қолаётган бўлса, кунора чўмилтириш, ёғ суртиш ҳам тавсия этилмайди. Шунингдек, мустақил бирор чораларга юзланишнинг ҳам ножўя таъсири бўлиши мумкин.
