Shavkat Mirziyoev 2017 yil 29 noyabr kuni "O`zbekiston Respublikasi Innovasion rivojlanish vazirligini tashkil etish to`g`risida"gi Farmonga imzo chekdi.
Farmon matni ommaviy axborot vositalarida e`lon qilindi. Ushbu hujjatga muvofiq, O`zbekiston Respublikasi Innovasion rivojlanish vazirligi hamda Innovasion rivojlanish va novatorlik g`oyalarini qo`llab-quvvatlash jamg`armasi tashkil etildi.
Hujjatga muvofiq, mazkur vazirlikning davlat va jamiyat qurilishiga, iqtisodiyot tarmoqlariga, qishloq xo`jaligiga, ijtimoiy rivojlanishga, atrof-muhitni muhofaza qilish va tabiatdan foydalanish tizimiga innovasiyalarni joriy etish hamda ilg`or texnologiyalar joriy etilishini tashabbus qilish, muvofiqlashtirish va rag`batlantirish sohasidagi asosiy vazifalari belgilab berildi.
Shuningdek, 2018 yil 1 yanvardan:
Fan va texnologiyalar bo`yicha Davlat komissiyasi;
O`zbekiston Respublikasi Fan va texnologiyalar agentligi;
Fan va texnologiyalar bo`yicha Davlat komissiyasi huzuridagi Ilmiy-texnik faoliyatni qo`llab-quvvatlash va rivojlantirish jamg`armasi hamda uning Ijro etuvchi direksiyasi tugatilib, ularning bo`shayotgan shtat birliklari Vazirlikka o`tkazilishi belgilandi.