OZARBAYJONChA ChUChVARA

Kelinchaklar yon daftariga...

Zarur masalliqlar (6 kishilik): xamiriga: 2,5 stakan un, yarim stakan kefir, 2 dona tuxum, 2 osh qoshiq sariyog`, tuz; qiymasiga: 700 gr. go`sht, 1 dona tuxum, 1 bosh piyoz, 2 bo`lak sarimsoq piyoz, 1 osh qoshiq quritilgan rayhon, maydalangan qora murch, tuz; sho`rvasiga: 1,5 l. tovuq sho`rvasi (kubiklardan foydalansangiz ham bo`ladi), 1 bosh piyoz, 4 dona qora murch, petrushka, shivit, tuz va ziravorlar.

Tayyorlanishi: 1. Go`sht, piyoz, sarimsoq piyozni to`g`rab, go`shtqiymalagichdan o`tkazing. Keyin hamma masalliqlarni qo`shib, tuxum, tuz, murch va quritilgan rayhon soling-da, yaxshilab aralashtiring. 20 daqiqa muzlatkichda qo`yasiz.

2. Kefir va tuxumni aralashtirib, ko`pirtiring. Un, tuz solib, xamir qoring. Sochiqqa o`rab, 25 daqiqa tindiring.

3. Xamirni 2 mm. qalinlikda yoyib, 2X2,5 sm. kattalikda to`rtburchak qilib kesing. Har biriga yarim choy qoshiqdan qiyma solib, chuchvara shaklida tuging. Chuchvaralarni qizdirilgan sariyog`da 4 daqiqadan qovurib oling.

4. Tovuqli sho`rvani qaynating. Piyozni to`g`rab, sho`rvaga soling. Biroz qaynatgach, qora murch donalarini ham qo`shing. Chuchvaralarni solib, 4 daqiqa qaynating. Keyin olovni pasaytirib, 10 daqiqa qaynatishda davom eting. Maydalangan ko`katlar va ziravorlar solishni ham unutmang.

Tayyorlanish vaqti: 1 soat.

Manba: «SUG‘DIYONA» gazetasi.