— Qozog`istondan ota-onam tug`ilgan kunimga sovg`a sifatida kir yuvish mashinasi va muzlatgich olib kelishmoqchi. Qozog`istondan O`zbekistonga maishiy texnika vositalarini olib o`tishtartibi hamda to`lovi haqida ma`lumot bersangiz.
Dilbar Sultonqulova, Toshkent shahri, Sergeli tumani
M.SALIEV, O`zbekiston Respublikasi Davlat bojxona qo`mitasi rais o`rinbosari:
— O`zbekiston Respublikasi Bojxona kodeksining156-moddasiga asosan jismoniy shaxslar tomonidan tovarlarni notijorat maqsadlarda bojxona chegarasi orqali olib o`tish soddalashtirilgan tartibda amalga oshiriladi (tovarlarga nisbatan iqtisodiy siyosat choralari qo`llanilmasligi, tovarning bojxona yuk deklarasiyasi to`ldirilmaydigan bojxona rasmiylashtiruvi kabi tartiblar).
Shuningdek, Kodeksning 157-moddasiga muvofiq, jismoniy shaxslar tomonidan notijorat maqsadlarda olib o`tilayotgan tovarlarga nisbatan, tovarlarni qonun hujjatlarida belgilangan bojsiz olib kirish normasi va aksiz solig`i solinmaydigan olib kirish normasi doirasida bojxona to`lovlari qo`llanilmaydi, bundan jismoniy shaxs manziliga kelayotgan tovarlar mustasno.
O`zbekiston Respublikasi Prezidentining "Jismoniy shaxslar tomonidan iste`mol tovarlarini olib kirishni tartibga solish chora- tadbirlari to`g`risida"gi 2009 yil 1 iyundagi PQ-1118-sonli Qaroriga asosan, 2009 yilning 2 iyunidan boshlab qo`shni davlatlardan shaxsiy foydalanish uchun jismoniy shaxslar tomonidan O`zbekiston Respublikasiga bir yo`la olib kiriladigan import iste`mol tovarlarining boj to`lovlari olinmaydigan umumiy qiymati 10 AQSh dollarini tashkil etadigan tartib o`rnatilgan.
Kodeksning 163-moddasiga ko`ra jismoniy shaxslar tomonidan notijorat maqsadlarda olib o`tilayotgan tovarlarning qiymati va (yoki) miqdori qonun hujjatlarida belgilangan bojsiz olib kirish normasi va aksiz solig`i solinmaydigan olib kirish normasidan ortiq bo`lsa, ortiq qismiga nisbatan bojxona to`lovlari to`lanadi.
Kodeksining 289-moddasida O`zbekiston Respublikasiga tovarlarni import qilishda:
Kodeksning 292-moddasiga asosan bojxona chegarasi orqali olib o`tiladigan tovarlarga nisbatan qo`llaniladigan bojxona bojlari stavkalari O`zbekiston Respublikasi Tashqi iqtisodiy faoliyatining tovar nomenklaturasiga (TIF TN) muvofiq tizimlashtirilgan.
Yuqoridagilardan kelib chiqib, bojxona to`lovlari hisoblanishida tovarning qiymati, TIF TN kodi, kelib chiqish mamlakati hamda tovarni identifikasiya qilish uchun kerakli ma`lumotlar, ya`ni ularning to`liq nomi (modeli, hajmi va h.k.) aniq ko`rsatilgan bo`lishi lozim.