A.Karimova, Navoiy viloyati
Sherzod MAHMUDOV, shifokor-trixolog:
— Erkaklardagi soch oqarishi turli xil omillarga bog`liq bo`lishi mumkin. Immun tizimining sustlashishi, qolaversa sochdagi melanin pigmenti miqdori ham soch oqarishida o`ziga xos ahamiyat kasb etadi. Asabiylik, qalqonsimon bez faoliyatidagi o`zgarishlar kuzatilganida sochga erta oq tushishi mumkin. Tashxis qo`yishda nevrolog va endokrinolog mutaxasisslar ko`rigi o`tkazilishi lozim. Melanin pigmentini ishlab chiqaruvchi bazal hujayra jigarda hosil bo`ladi.
Anglaganingizdek, ushbu a`zo faoliyatini ham tekshirish kerak. Tibbiy tahlillar o`tkazilgach, shifokor ko`rsatmasi bilan ruh (sink), selen preparatlari, immunitetni rag`batlantiruvchi vositalar hamda vitaminlar guruhi buyuriladi. Muolajadan so`ng oqargan sochlar avvalgi holiga qaytmaydi, ammo soch oqarishini to`xtatishga erishish mumkin. Ayni vaziyatda turmush o`rtog`ingiz tibbiy tekshiruvlardan o`tishi hamda tahlil xulosasiga ko`ra davo choralarini boshlashi lozim.