O`zbekiston Respublikasi Oliy Majlisi Senatining o`n uchinchi yalpi majlisida senatorlar tomonidan O`zbekiston Respublikasining Gruziyadagi Favqulodda va muxtor elchisini tayinlashga oid masala ham ko`rib chiqildi.
Senatning Xalqaro munosabatlar, tashqi iqtisodiy aloqalar, xorijiy investisiyalar va turizm masalalari qo`mitasi tomonidan taqdim etilgan ushbu masala bo`yicha Sherzod Fayziev O`zbekiston Respublikasining Gruziyadagi Favqulodda va muxtor elchisi lavozimiga tavsiya etildi. Bu haqda “Qalampir.uz” O`zAA xabariga asoslanib ma`lum qildi.
“Masalani atroflicha ko`rib chiqqan senatorlar Sherzod Fayzievni O`zbekiston Respublikasining Gruziyadagi Favqulodda va muxtor elchisi etib tayinlash bo`yicha qaror qabul qildi”, - deyiladi O`zA xabarida.
Ma`lumot o`rnida, Sherzod Fayziev bungacha O`zbekiston Respublikasining Ozarbayjon Respublikasidagi Favqulodda va muxtor elchisi bo`lib faoliyat yuritib kelgan.
