2017 yilda O`zbekiston Prezidenti Shavkat Mirziyoevning virtual qabulxonasiga eng ko`p qaysi tashkilotlar nomiga murojaat kelgani ma`lum qilindi.
Virtual qabulxonaga kelib tushgan murojaatlar yo`nalishlar bo`yicha sarhisob qilinganda, Oliy sud hamda Bosh prokuratura mos ravishda Top-3 yakunlagan.
Ichki ishlar vazirligiga 99584 ta murojaat, Oliy sudga 72719 ta murojaat, Bosh prokuraturaga 71347 ta murojaat yo`llangan. Shuningdek, 50074 ta murojaat Bandlik va mehnat munosabatlari vazirligiga, 45732 ta murojaat Sog`liqni saqlash vazirligiga yo`llangani e`lon qilindi.
Keltirilgan statistik ma`lumotga ko`ra, aholidan kelib tushgan eng ko`p murojaatlar sud-huquq sohasiga yo`naltirilgan bo`lib, keyingi o`rinda Bandlik va mehnat munosabatlari vazirligi nomiga kelib tushgan.
