O`zbekiston Respublikasi Prezidenti Farmoni bilan qabul qilingan “Faol tadbirkorlik, innovasion g`oyalar va texnologiyalarni qo`llab quvvatlash yili” Davlat dasturiga muvofiq, “Milliy xavfsizlik xizmati to`g`risida”gi qonun loyihasi ishlab chiqiladi.
Unga ko`ra bu sohada parlament nazorati mexanizmlari belgilanadi.
Hujjatda, shuningdek, joriy yilda fermerlar paxta xom ashyosini qayta ishlovchi va to`qimachilik korxonalariga o`z ixtiyoriga ko`ra to`g`ridan-to`g`ri sotish imkoniyatiga ega bo`lishini qayd etilgan.
"Taraqqiyot strategiyasi" markazi xabariga ko`ra, 231 banddan iborat Davlat dasturida 37 ta qonun qabul qilinishi belgilangan.
