Ertaga, 5 fevral kuni Toshkent shahriga Tojikiston Respublikasi Bosh vaziri o`rinbosari Aziz Ibrohim boshchiligidagi delegasiya tashrif buyuradi. Bu haqda TIV axborot xizmati xabar berdi.
Tashrif dasturiga ko`ra, O`zbekiston hukumatida, qator vazirlik va idoralarda uchrashuv va muzokaralar o`tkazish ko`zda tutilgan.
Mazkur tadbirlar chog`ida ikki tomonlama munosabatlarning dolzarb masalalari hamda bo`lajak O`zbekiston-Tojikiston uchrashuvlariga tayyorgarlik ko`rishning amaliy jihatlarini muhokama qilish rejalashtirilmoqda.
Eslatib o`tamiz, 10 yanvar kuni O`zbekiston Respublikasi Bosh vaziri Abdulla Aripov boshchiligidagi delegasiya Dushanbe shahrida bo`lib, u erda savdo-iqtisodiy hamkorlik hamda davlat chegarasini delimitasiya va demarkasiya qilish bo`yicha O`zbekiston-Tojikiston hukumatlararo komissiyalari majlisida ishtirok etgan edi
