AQShning USA Airways aviakompaniyasi samolyoti La Guardiya aeroportida favqulodda qo`ndi.
Fox News telekanalining xabar qilishicha, Vashington tomon uchayotgan samolyot qush bilan to`qnashib ketganligi sababli aeroportga qaytib kelgan.
Voqea jumadan shanbaga o`tar kechasi, bortida 96 yo`lovchi hamda 5 nafar ekipaj a`zolari bo`lgan Airbus A319 layneri bilan sodir bo`ldi. Telekanal qayd etishicha, parvozga ko`tarilgan samolyot qush bilan to`qnashib ketgan, uchuvchi esa ortga qaytishga qaror qilgan.
Voqeadan so`ng, barcha yo`lovchilar boshqa reyslar orqali Vashingtonga yo`naltirildi. Jarohatlanganlar haqida xabar berilmagan.
AQSh fuqarolar aviasiyasi federal boshqarmasi ushbu voqea yuzasidan tergov ishlarini olib bormoqda.
Chorshanba kuni aynan shu aeroportdan uchgan United Airlines samolyoti qo`sh bilan to`qnashib ketgan edi.
