“Yalla” vokal-cholg`u ansamblining badiiy rahbari Farrux Zokirov Qirg`iziston va O`zbekiston xalqlari o`rtasidagi do`stlikni mustahkamlashga qo`shgan katta hissasi, uzoq yillik va samarali ijodiy faoliyati uchun «Do`stlik» ordeni bilan taqdirlandi.
Farrux Zokirovga mukofotni topshirish Qirg`iziston va O`zbekiston o`rtasida diplomatik aloqalar o`rnatilganligining 25 yilligiga bag`ishlangan tadbirlarda bo`lib o`tdi. Qirg`iziston prezidenti nomidan ordenni Qirg`izistonning O`zbekistondagi elchisi Doniyor Sidiqov topshirdi.