Qrimdagi Lenino shaharchasida huquq-tartibot organlari xodimlari polisiyachiga o`q uzgan O`zbekiston fuqarosini qo`lga oldi, deb xabar beradi «RIA Novosti».
Ayblanuvchi 19 mart kuni o`z xizmat vazifasini bajarayotgan polisiyachiga qarata travmatik to`pponchadan o`q uzgan. Polisiyachi elkasidan jarohat olgan.
O`zbekiston fuqarosiga nisbatan Rossiya Jinoyat Kodeksining 318-moddasi 2-qismida ko`zda tutilgan jinoyatni sodir etganligi uchun ayblov e`lon qilingan.
Hozirda sodir etilgan jinoyat sabablari o`rganilmoqda.