Harbiy-texnik hamkorlik bo`yicha Rossiya Federal xizmati direktori o`rinbosari Vladimir Drojkovning ma`lum qilishicha Erevanda tashkil etilgan “ArmHiTech-2018” qurol-yarog` ko`rgazma doirasida Rossiya va O`zbekiston o`rtasida shartnoma imzolangan.
Mazkur shartnomaga muvofiq Rossiya O`zbekistonga o`ndan ziyod “Mi-35” vertolyotlarini etkazib beradi.
“ Shartnoma imzolandi. Endilikda O`zbekistonga “Mi-35” vertolyotlarini etkazib beramiz. Mazkur mamlakat bilan harbiy-texnik hamkorligimiz izchil rivojlanmoqda”, degan V.Drojkov ko`rgazmada jurnalistlarga.
Xabarda 2016 yilda Rossiya va O`zbekiston o`rtasida harbiy-texnik hamkorlik bo`yicha kelishuv imzolangani, unga muvofiq Rossiya ichki narxlarda mamlakatimizga qurol-yarog` etkazib berishi eslatilgan.
Ma`lumot uchun: “ Mi-35” vertolyoti zarba beruvchi harbiy-texnika hisoblanadi. Uning uchish tezligi soatiga 300/km.gacha etishi mumkin.
29.03.2018 15:40
O`zbekistonga zarba beruvchi vertolyotlar keltiriladi






