2 aprel kuni Amerikaning Indiana shtati va Marion shahri aeroportida favqulodda hodisa yuz berdi.
Aeroportning uchish-qo`nish yo`lagida harakatlanayotgan bir motorli “Cessna 150” samolyoti ikki motorli biznes-samolyot ” Cessna 525”ga borib urilishi oqibatida ikkiga bo`linib ketgan.
To`qnashuv oqibatida “Cessna 150”da bo`lgan ikki kishi halok bo`ldi. Biznes-samolyot ”Cessna 525” yo`lovchilariga hech nima qilmagan.
Ta`kidlanishicha, favqulodda hodisa “Cessna 525” aeroportga endi qo`ngan vaqtda sodir bo`lgan. “Cessna 150” uchuvchisining nima sababdan biznes-samolyotni payqamay qolgani esa ma`lum emas.
AQSh Federal aviasiya boshqarmasi mazkur hodisa yuzasidan tekshirish ishlarini boshlagan.
