Samarqad tumanidagi “Maroqand” dehqon bozorining filiali bo`lgan avtomobil bozori boshqa joyga ko`chiriladi, deb yozadi "Zarafshon" gazetasi.
Bozor hududi baliqchilik xo`jaligi innovasion ilmiy o`quv markazi, baliqchilik laboratoriyasi, maxsus maktabgacha ta`lim muassasasi, mehmonxona va ko`p qavatli turar joylar barpo etish uchun “Oq amur baliqlari” fermer xo`jaligiga ajratib beriladi.
Tuman arxitektura va qurilish bo`limi ma`lumotlariga ko`ra, hozirgi paytda avtomobil bozori uchun tuman hududidan joy tanlanmoqda.
Ta`kidlash joiz, bu – Prezidentimizning 17-18 mart kunlari viloyatimizga tashrifi chog`ida bergan topshiriqlari va Pastdarg`om tumanida kengaytirilgan tarzda o`tkazilgan majlis bayonida belgilangan.
