BMT bosh kotibi Pan Gi Mun bugun bo`lib o`tadigan Rossiya-Janubiy Koreya uchrashuvini tomosha qilmasligini ma`lum qildi. Bu haqda "RIA Novosti" xabar bermoqda.
Bunga u o`z yurti jamoasiga qayg`urishini sabab qilib ko`rsatmoqda. Pan Gi Mun butun jahon tashkiloti bosh kotibi neytralitetni saqlashi kerakligini qayd qilib o`tdi. Ammo, Janubiy Koreya jamoasi uchun qayg`urishini berkitib o`tirmadi.
“Men jahon chempionatida ishtirok etayotgan barcha jamoalarni qo`llab-quvvatlayman. Biroq, Koreya terma jamoasi har qanday jamoaga qarshi uchrashuvi boshlanishi bilan mening yuragim tez urishni boshlashini bilishingiz kerak. Men uchrashuvni ko`rmaslikka qaror qildim. Uchrashuv natijasini ertaga tongda yordamchilarimdan bilib olaman”,-dedi Pan Gi Mun.
Shuningdek, u futbol va boshqa sport turlari kabi, barcha xalqlarni birlashtira olishini qayd qilib o`tdi.
Rossiya hamda Janubiy Koreya terma jamoalari o`rtasidagi uchrashuv bugun tunda Toshkent vaqti bilan 03:00 da boshlanadi. Belgiya - Jazoir 21:00, Braziliya - Meksika uchrashuvi 00:00da boshlanadi.