7 aprel kuni aktyor Jeki Chan 64 yoshga to`ldi, deya yozmoqda Gazeta.ru nashri.
U o`zining kinokarerasini Gongkong jangari filmlaridan boshlagan – hatto afsonaviy Bryus Lining “G`azab mushti” va “Ajdahoning chiqishi” filmlaridagi ommaviy sahnalarda ishtirok etgan.
Vaqt o`tishi bilan Chan o`zining jang usulini, kung-fu aralash komediya uslubini ishlab chiqdi. Shu orqali u Gollivudni zabt etdi.
Jeki Chan shu kungacha 100 dan ortiq filmlarda suratga tushgan.
Jeki barcha filmlaridagi tryuklarni o`zi bajaradi. Uning “ko`zir tuzi” – har bir kartinadan so`ng muvaffaqiyatsiz chiqqan dubllarning namoyish etilishidir.
