7 апрель куни актёр Жеки Чан 64 ёшга тўлди, дея ёзмоқда Gazeta.ru нашри.
У ўзининг кинокарьерасини Гонгконг жангари фильмларидан бошлаган – ҳатто афсонавий Брюс Лининг “Ғазаб мушти” ва “Аждаҳонинг чиқиши” фильмларидаги оммавий саҳналарда иштирок этган.
Вақт ўтиши билан Чан ўзининг жанг усулини, кунг-фу аралаш комедия услубини ишлаб чиқди. Шу орқали у Голливудни забт этди.
Жеки Чан шу кунгача 100 дан ортиқ фильмларда суратга тушган.
Жеки барча фильмларидаги трюкларни ўзи бажаради. Унинг “кўзир тузи” – ҳар бир картинадан сўнг муваффақиятсиз чиққан дублларнинг намойиш этилишидир.
