KXDR mudofaa vaziri vazifasini bajarib kelgan Koreya xalq armiyasi vaziri Chan Chon Nam iste`foga chiqarildi.
Uning o`rnini KXDR bosh shtabi sobiq etakchisi Xyon Yon Chxol egalladi. Bu haqda Kiodo agentligi Shimoliy Koreya markaziy axborot radiosiga tayanib xabar bermoqda.
Kadrlar o`zgarishi sabablari aytilmagan. Ammo, agentlikning qayd etishicha, KXDR rahbari Kim Chen In kutilmagan o`zgartirishlar kiritishni yoqtiradi. Bu esa unga mamlakatni bir tizimda boshqarishga yordam beradi. Koreya xalq armiyasi Kim Chen In boshqaruvidagi davlat mudofaa qo`mitasiga bo`ysunadi.