Shimoliy Koreya tashqi ishlar vazirligi vakili ma`lum qilishicha, Kim Chen In o`ldiriladigan gollivud filmi ekranlarga chiqishi AQSh bilan urush boshlanishiga sabab bo`lishi mumkin, deya yozadi “Interfaks”.
Bayonotda film nomi aytilmagan. Ammo, film nomi “Intervyu” ekanligi ma`lum. Filmda teleboshlovchi va uning prodyuseri Kim Chen Indan intervyu olish uchun Pxenyanga tashrif buyurishadi. Ammo, markaziy rezvedka boshqarmasi Shimoliy Koreya rahbarini o`ldirishni buyuradi.
“Etakchimizni o`ldirish mavzusidagi filmni suratga olish va uni ommaga taqdim etish jinoyatkorona harakat va terrorizmdir. Agar AQSh ma`muriyati ushbu filmni namoyish etishga ruhsat bersa, shavqatsiz qarshi choralar ko`riladi”,-deyiladi KXDRning axborot agentligi tomonidan taqdim etilgan bayonotda.
