O`zbekiston xalq artisti Rajab Adashev nabirasini nikoh to`yini ham, nahorgi oshni ham ancha ixcham o`tkazganini ma`lum qildi. Bu haqda aktyor «Sug`diyona» gazetasiga bergan intervyusida ma`lum qildi.
Aktyor suhbat davomida «Sug`diyona» gazetasi muxbirining «nabira kuyov bilan suhbatlashdingizmi», degan savoliga ham javob bergan.
Nabiram Farzonani turmushga berdik. Illohim, baxtli bo`lsin. U katta qizim Kimyoxonning farzandi. Nabira kuyovimiz bobosi va amakilari bilan keldi. Hammamiz birgalikda suhbatlashdik. Doniyorxo`janing erga qarab, har bir gapni o`ylab gapirishi menga ma`qul bo`ldi. Sportning triatlon turi bilan shug`ullanarkan. Yoshlar bir-biriga manzur bo`lgach, to`yni boshlab yubordik. Nahorgi oshni ham, nikohni ham ancha ixcham o`tkazdik.
