Bir guruh amerikalik olimlar suv kanasining yangi turiga mashhur xonanda Jennifer Lopes nomini berishdi. Bu haqda The Guardian nashri xabar bermoqda.
Puerto-Rikoda topilgan yangi hashorat bilan xonanda o`rtasida hech qanday o`xshashlik yo`q. Olimlar kashfiyotning ilmiy hisobotini yozish vaqtida Lopesning qo`shiqlarini tinglaganlar va unga minnatdorchilik bildirish maqsadida hashoratga Litarachna lopezae nomini berishga qaror qilishgan.
“Maqola yozayotgan va JCh uchrashuvlarini tomosha qilish vaqtida Jey Lo qo`shiqlari tufayli jamoa kayfiyati a`lo darajada bo`ldi”,-dedi olimlardan biri.
Nashrning qayd etishicha, mitti hashoratlarga mashhur musiqachilar nomi berilishi ilk marotaba kuzatilishi emas.
