Air Algerie aviakompaniyasi Burkina-Faso poytaxtidan uchgan samolyoti bilan aloqa yo`qolgani haqida xabar bergan edik.
Jazoirning "An-Naxor" telekanalining xabar berishicha, samolyot Niger poytaxti atrofida halokatga uchragan.
Bortda bo`lgan barcha 110 yo`lovchi va 6 nafar ekipaj a`zolari halok bo`lgani tahmin qilinmoqda.
Xabar qilinishicha, aloqa samolyot parvozga chiqqandan 50 daqiqa o`tib yo`qolgan.
Eslatib o`tamiz, bu iyul oyida ro`y bergan uchinchi aviahalokatdir. Amsterdam-Kuala-Lumpur reysi bo`yicha uchgan Malaysia Airlines aviakompaniyasining Boeing 777 samolyoti 17 iyul kuni Ukrainaning Donesk viloyatida quladi. Layner bortida bo`lgan barcha 298 kishi halok bo`lgan.
Shuningdek, 23 iyul kuni TransAsia Airways aviakompaniyasining yo`lovchi samolyoti Tayvanda favqulodda qo`nishni amalga oshirish vaqtida halokatga uchradi. Oqibatda 47 kishi halok bo`lgan, 11 kishi jarohatlangan.
