Braziliyada bo`lib o`tgan futbol bo`yicha jahon chempionatida hakamlik qilgan Ravshan Ermatov va Abduhamidullo Rasulovlar taqdirlanishdi. Bu haqda O`FFning tvitterdagi rasmiy sahifasida xabar qoldirildi.
FIFA hakami Ravshan Ermatov "El-yurt hurmati" ordeni bilan mukofotlandi. Shuningdek, Ermatovga "Malibu", qanot hakami Abdulhamidullo Rasulovga esa "Orlando" avtomobili sovg`a qilindi. Marosim Olimpiya Shon-shuhrati muzeyida bo`lib o`tdi.
Bundan Tashqari, O`zbekiston Futbol Federasiyasi Ijroiya Qo`mitasi FIFA referisi Ravshan Ermatov «O`zbekiston Futbol Federasiyasi» faxriy nishoni bilan taqdirlash to`g`risida qaror qabul qildi.
Eslatib o`tamiz, Ermatov boshchiligidagi hakamlar guruhi Braziliyadagi mundialning 4ta o`yinida ishlashdi. Ravshan Ermatov brigadasi jahon chempionatlari tarixida 9ta uchrashuvda ishlab jahon rekordini o`rnatdi.
