“Obod qishloq” davlat dasturi doirasida Namangan viloyatida 34ta investision loyiha amalga oshiriladi, deb xabar berdi Investisiyalar bo`yicha davlat qo`mitasi.
Loyihalar Kosonsoy, Pop, To`raqo`rg`on, Uychi, Chortoq, Chust, Yangiqo`rg`on hamda Namangan tumanlarida amalga oshiriladi.
"Taklif qilingan loyihalarni amalga oshirish uchun 299,5 mln dollar miqdorida to`g`ridan-to`g`ri xorijiy investisiya kiritish rejalashtirilgan. Ular qiymati 60,7 mln dollarlik 10ta loyiha, 117,3 mln dollarlik 10ta loyiha va 121,5 mln dollarlik 14ta istiqbolli loyihalardir", - deyiladi xabarda.
Taklif qilinayotgan investision loyihalar orasida Namanganda Janubiy koreyalik investorlar bilan hamkorlikda zamonaviy ko`p tarmoqli klinika, Pop tumanida XXRlik investorlar bilan kichik yuk avtomobillari ishlab chiqarish, Uychi tumanida turkiyalik, Chust tumanida rossiyalik hamda Yangiqo`rg`on tumanida xitoylik investorlar bilan korxonalar tashkil etish kabi loyihalar mavjud.
